Германските медиуми тешко го поднесоа синоќешниот пораз од македонската репрезентација против Германија во квалификациите од третото коло за Светското првенство во 2022 година во Катар.
Германците немаа загубено квалификациски меч за Мундијал 35 натпревари, односно од 2001 година, кога претрпеа пораз од Англија, а медиумите не штедеа зборови да ги искритикуваат.
На пример, угледниот весник „Билд“ им порачува на „панцерите“ дека не мора ни да играат на Европското првенство летово откако „фудбалското џуџе“ (Северна Македонија) ги посрамотила.
Дел од написите во германските медиуми се и:
„Германија се посрамоти во квалификациите за СП против аутсајдерот Северна Македонија и загуби со 1: 2. Некои играчи не го достигнуваат своето вообичаено основно ниво“.
„Тоа беше крајно грозоморно. Не можам дури ни да ги напишам зборовите што сакам да ги напишам сега за точно да опишам колку беше ужасен овој натпревар. Баварските фудбалски дела имаат писатели кои со сигурност можам да кажам дека ќе направат подобра тренерска работа од Лев во моментов“.
„Фала му на Господ, Лев (селекторот) го имаше својот последен квалификациски натпревар за Светското првенство, поради неговото пензионирање по ЕУРО 2020. Да се надеваме дека следниот селектор ќе биде покомпетентен отколку што беше Лев во последните 2+ години“.
„Одбраната синоќа потсетуваше на тимовите од Бундеслигата 2. Ова не е навреда за тимовите од Бундеслигата 2“.
„Патетично. Северна Македонија го заврши мечот со 4 удари (3 кон противничкиот гол) наспроти 11 удари на Германија (2 кон противничкиот гол)“.
Веста за победата на македонските фудбалери силно одекна и во светските медиуми.
„Вечерва целиот свет е обоен во црвено-жолто“,
твитна Би-би-си по завршувањето на натпреварот вчеравечер.
„Северна Македонија ја победи Германија! Тие се рангирани 65. на листата на ФИФА“,
напиша „Гол“.
„Каква ноќ за Северна Македонија“,
напиша „Евроспорт“.
