Германските власти ќе ги заоструваат мерките во пресрет на новогодишните празници. Предлог-одлуката на Владата е да се затворат продавниците кои не се неопходни и оваа мерка да биде на сила од 16 декември до 10 јануари.
Овие планови се објавени во пресрет на состанокот кој германската канцеларка Ангела Меркел треба да го одржи денеска со лидерите од сојузните покраини.
Во Германија веќе шест недели се на сила и други рестрикции со кои се затворија и баровите и рестораните.
Рестрикциите се носат во период кога земјата се соочува со зголемен број на инфекции со ковид-19. Пред два дена, беше регистриран рекорден број новозаразени – 29 875, што е најмногу од почетокот на пандемијата. Вчера, пак, здравствените власти информираа дека во последните 24 часа имало 28 438 новозаразени.