Името на носителот на пратеничката листа на ВМРО-ДПМНЕ во петтата изборна единица досега беше непознато и покрај тоа што претседателот на партијата, Христијан Мицкоски, пред околу две недели ги објави имињата на речиси сите носители на пратеничките листи на ВМРО-ДПМНЕ и коалицијата во секоја изборна единица поединечно. Мицкоски тогаш изјави дека сè уште дека немаат одлучено кој ќе ја предводи листата во „петката“
Генералниот секретар на ВМРО-ДПМНЕ и актуелен пратеник во Собранието од редовите на оваа партија, Ѓорѓија Сајкоски, ќе биде носител на листата за кандидати за пратеници во петтата изборна единица.
Информацијата денеска на прес-конференција, одговарајќи на новинарски прашања, ја обзнани пратеникот и потпретседател на ВМРО-ДПМНЕ, Александар Николоски.
„Можам да го потврдам, Ѓорѓија Сајкоски, генералниот секретар на ВМРО-ДПМНЕ, за носител во петтата изборна единица. Сметам дека имаме одлично решение. Тој долги години беше еден од најуспешните претседатели на општински комитети во ВМРО-ДПМНЕ, го водеше Општинскиот комитет во Кичево кој секогаш постигнува фантастични резултати за ВМРО-ДПМНЕ. Како генерален секретар е дел од оваа нова приказна на ВМРО-ДПМНЕ која ќе значи убедлива победа на претседателските и парламентарни избори“,
изјави Николоски одговарајќи на новинарски прашања по денешната прес-конференција.
Инаку, Сајкоски беше избран за нов генерален секретар на ВМРО-ДПМНЕ во септември 2020 година.
Името на носителот на пратеничката листа на ВМРО-ДПМНЕ во петтата изборна единица досега беше непознато и покрај тоа што лидерот на партијата, Христијан Мицкоски, пред околу две недели ги објави имињата на речиси сите носители на пратеничките листи на ВМРО-ДПМНЕ и коалицијата во секоја изборна единица поединечно.
Во оваа насока, Мицкоски тогаш изјави дека сè уште дека немаат одлучено кој ќе ја предводи листата во „петката“.
Во првата изборна единица, ВМРО-ДПМНЕ и коалицијата ќе одат со партискиот лидер Мицкоски како носител на листата. „Двојката“ ќе ја предводи потпретседателот Александар Мисајловски, на листата во третата изборна единица носител ќе биде пратеникот Драган Ковачки, а изборната единица 4 ќе ја предводи потпретседателот Александар Николоски. Носителка на пратеничката листа во „шестката“, пак, ќе биде пратеничката и член на Извршниот одбор на ВМРО-ДПМНЕ, Дафина Стојаноска.