Бугарската министерка Теодора Генчовска денеска и утре ќе биде во посета на земјава, соопштија од Министерството за надворешни работи.
Оттаму наведуваат дека посетата доаѓа по покана од министерот за надворешни работи Бујар Османи, а станува збор за продолжување на дијалогот меѓу двете министерства.
„Делегација од Министерството за надворешни работи на Бугарија предводена од министерката Теодора Генчовска денеска и утре ќе престојува во работна посета на Северна Македонија. Посетата се реализира на покана на министерот за надворешни работи Бујар Османи, а е во функција на дијалогот меѓу двете министерства за адресирање на отворените билатерални прашања, согласно Договорот за пријателство, добрососедство и соработка, и прашањата за евроинтеграцијата на Северна Македонија“,
се вели во соопштението на МНР.