Под претпоставка досегашната опозиција, засилена со Беса, уште вечерва да достави барање за гласање доверба на Владата на Заев, собраниската седница за тоа би требало да се одржи во рок од три дена, односно најдоцна в понеделник
Во изјава за Сител, по вечерашната средба во Собранието, претседателот на Алтернатива рече дека ќе се види потоа дали мнозинството што сега е договорено ќе значи ново парламентарно мнозинство, кое би избрало нова Влада, или би гласало за распуштање на парламентот за да се одржат предвремени парламентарни избори
Африм Гаши, претседателот на Алтернатива, вели дека со претставниците на ВМРО-ДПМНЕ, Алијанса за Албанците, Беса и на Левица вечерва договориле мнозинство за изгласување недоверба на Владата.
Во изјава за Сител, по вечерашната средба во Собранието, Гаши рече дека ќе се види потоа дали мнозинството што сега е додоворено ќе значи ново парламентарно мнозинство кое би избрало нова Влада или кое би гласало за распуштање на парламентот за да се одржат предвремени парламентарни избори.
„Одлуката сега треба да им ја образложиме на нашите пратеници. Откако ќе се гласа за доверба на Владата ќе видиме што потоа. Во секој случај, Алтернатива нема да учествува во Влада која не би продолжила по евроатлантскиот пат“,
рече Гаши.
За изгласување недоверба на Владата потребни се најмалку 61 глас, колку што пратеници имаат петте партии чии претставници присуствуваа вечерва на средбата во парламентот, по која лидерот на ВМРО-ДПМНЕ, Христијан Мицкоски, објави дека има ново парламентарно мнозинство наспроти 59 пратеници од ДУИ и коалицијата на СДСМ.
Премиерот Зоран Заев, најави оставка ноќта на 1 ноември, откако СДСМ доживеа пораз во вториот круг од локалните избори. До вечерва тој не ја официјализираше оставката, односно не ја поднесе до Собранието кое треба да ја констатира. Со тоа се остави простор за гласање (не) доверба на Владата.
Под претпоставка досегашната опозиција, засилена со Беса, уште вечерва достави барање за гласање доверба на Владата на Заев, собраниската седница за тоа би требало да се одржи во рок од три дена, односно најдоцна в понеделник.