Гаши е пуштен од болница и ќе продолжи со работа, велат од Собранието

Спикерот Гаши ноќта на 22 јули беше хоспитализиран поради преплет на цревата

Претседателот на Собранието, Африм Гаши, е во добра здравствена состојба, отпуштен е од болница и ќе продолжи со своите институционални активности во согласност со медицинските препораки, соопшти собраниската прес-служба.

„Ја информираме јавноста дека по краткиот дводневен престој на Универзитетската клиника за дигестивна хирургија и по спроведувањето на сите потребни медицински прегледи, здравствената состојба на претседателот е добра и стабилна. Денес г. Гаши е отпуштен од болница и ќе продолжи со своите институционални активности во
согласност со медицинските препораки“,

велат од Собранието.

Спикерот Гаши ноќта на 22 јули беше хоспитализиран поради преплет на цревата.

Африм Гаши со преплет на цревата синоќа е примен на Клиниката за дигестивна хирургија