„Гардијан“: Новиот ирански лидер е лесно ранет во нападите, но е во добра здравствена состојба

Според „Њујорк тајмс“, повикувајќи се на анонимни израелски и ирански извори, Хамнеи е повреден на денот кога почнаа нападите на Соединетите Американски Држави (САД) и Израел врз Иран

Новиот врховен лидер на Иран, Моџтаба Хамнеи, е лесно ранет во нападите, но е жив и е во добра здравствена состојба, објави советникот на владата и син на иранскиот претседател, Јусеф Пезешкијан, а пренесува „Гардијан“.

Ова следува по шпекулациите во дел од медиумите насочени за здравјето и местото каде се наоѓа новиот лидер, кој не се појави во јавноста откако го наследи својот починат татко.

„Слушнав вести дека Моџтаба Хамнеи е ранет. Се информирав и ми рекоа дека тој е жив и здрав“,

напиша Пезешкијан на Телеграм.

Според „Њујорк тајмс“, повикувајќи се на анонимни израелски и ирански извори, Хамнеи е повреден на денот кога почнаа нападите на Соединетите Американски Држави (САД) и Израел врз Иран.

Иранската државна телевизија го нарече Хамнеи ранет ветеран од рамазанската војна, но никогаш не прецизира за каков вид повреди станува збор.

Иран го именуваше синот на поранешниот врховен лидер за негов заменик

На 8 март, британската телевизија Скај њуз објави дека Моџтаба Хамнеи, синот на поранешниот врховен лидер на Иран, е именуван за негов заменик. Тој е 56-годишен свештеник кој никогаш не извршувал владина функција.

Ајатолахот Али Хамнеи, пак, беше убиен во првите американско-израелски напади врз Иран.