Меѓународната награда требаше да им биде врачена на Заев и на Ципрас минатата година, ама церемонијата беше одложена поради епидемијата
На свечена церемонија во Мунстер, Германија, претседателот на Летонија, Егилс Левиц, предмалку им ја врачи на македонскиот премиер, Зоран Заев, и на поранешниот премиер на Грција, Алексис Ципрас, мировната награда на Вестфалија за 2020 година, што ја добија за постигнувањето и потпишувањето на Преспанскиот договор во 2018 година.
Меѓународната награда за мир на Вестфалија требаше да им биде врачена на Заев и на Ципрас минатата година, ама церемонијата беше одложена поради епидемијата на ковид-19.
Летонскиот претседател, како претставник на трите балтички земји кои оваа мировна награда ја добија за 2019 година, им ја врачи наградата за 2020 година на потписниците на Преспанскиот договор.