На средбите се очекува да се разговара за теми значајни за целиот регион
Специјалните претставник на САД за Западен Балкан, Габриел Ескобар, пристигна во Скопје, а се очекува да оствари средби со претседателот Пендаровски, како и со други водечки функционери.
Веста за неговото пристигнување во земјава го обелодени Американската амбасада во Скопје.
„Го поздравуваме пристигнувањето на специјалниот претставник за Западниот Балкан, Габриел Ескобар, во Скопје. За време на посетата, г.Ескобар ќе се сретне со претседателот Пендаровски и со други клучни функционери на МК да разговараат за повеќе теми и заеднички приоритети за регионот“, пишува во објавата на Американската амбасада во Скопје на социјалните мрежи.