„До каде ќе стигне светот со истополовите бракови и со хуруршката промена на полови?“, праша г.г. Стефан во обраќањето по повод големиот христијански празник во манастирот „Успение на Пресвета Богородица“ на Матка
Сите оние што се загрижени за третманот и правата на жената се непознавачи на нејзиното вистинско место во христијанството, рече поглаварот на Македонската православна црква – Охридска архиепископија, г.г. Стефан, во обраќањето по повод големиот христијански празник во манастирот „Успение на Пресвета Богородица“ на Матка.
Г.г. Стефан во обраќањето рече и дека е вистинско време самопрогласените борци за правата на жените да се запрашаат како ќе се раѓаат и воспитуваат идните поколенија
„До каде ќе стигне светот со истополовите бракови и со хуруршката промена на полови? Пресвета Богородица била и останува да биде идеал за мајка. И со покажаната љубов и со трпението и со подготвеноста за страдање и подготвеноста за саможртва“,
рече г.г. Стефан.
Големиот христијански празник Успение на Пресвета Богородица денеска беше одбележан во сите православни храмови низ државата.