Според изјавите, инцидентот се случил утрово околу шест часот, кога студенти и активисти на групата СТАВ дошле во зградата на Ректоратот каде што треба да се одржи вториот круг од изборите за Студентскиот парламент на Филозофскиот факултет во Нови Сад
Двајца студенти и активисти на неформалната група СТАВ (Студентите против авторитарната власт) се примени во новосадскиот Ургентен центар откако биле физички нападнати од непознати лица и приватно обезбедување на зградата на Ректоратот во Универзитетот во Нови Сад, пренесува регионалниот сервис на Радио Слободна Европа.
Според изјавите, инцидентот се случил утрово околу шест часот, кога студенти и активисти на групата СТАВ дошле во зградата на Ректоратот каде што треба да се одржи вториот круг од изборите за Студентскиот парламент на Филозофскиот факултет во Нови Сад.
Тој додал дека таму забележале група од триесетина млади мажи облечени во црно, со капи и маски, кои фрлиле експлозивна направа пред нозете на студентите.
„Потоа почнаа да нè туркаат, да нè удираат, па дури и нападнаа службеник, полицаец“,
вели тој.
Студентка и активистка на групата СТАВ изјави дека околу пет часот наутро виделе луѓе како се прикрадуваат зад Ректоратот низ шумата, кои имале капи, црни маски, ракавици и биле облечени во црно.
„Пријдовме со колегата да видиме што се случува и потоа кога се приближивме, кога ги видовме, успеав да снимам видео, кога тие фрлија експлозивна направа, побегнавме“,
вели повредената студентка.
Таа рече дека студентите повикале полиција и дека еден полицаец се појавил по еден час. Набргу потоа, додава таа, се појавија околу 15 мажи облечени во црно, подготвени да влезат во Ректоратот.
„Претпоставуваме дека станува збор за други членови на приватното обезбедување, кои веќе биле во зградата на Ректоратот. Стигнавме до вратата заедно со припадник на полицијата, кој исто така се здоби со одредени повреди. Некој ме удри во натколеницата, мојот колега има повреда на коленото. Се здобивме со полесни физички повреди“,
изјави таа.
Според неа, луѓето што ја фрлиле експлозивната направа кон студентите биле многу слично облечени како припадници на приватно обезбедување.
„Значи, станува збор за група која била испратена да обезбеди прекршување на Правилникот, поточно дека изборите спротивно на Правилникот се одржале во зградата на Ректоратот“,
рече таа.
Групата СТАВ објави видео на Инстаграм на кое се гледа како група млади мажи со капи фрлаат некаква експлозивна направа во правец на студентка која ги снима на нејзиниот телефон.
Од Министерството за внатрешни работи на Србија за Радио Слободна Европа велат дека во соработка со Основното јавно обвинителство во Нови Сад работат на расветлување на случајот.
Оттаму додаваат дека земале изјава од две лица, но дека обвинителството побарало да бидат сослушани и жртвите, односно учениците кои беа повредени во инцидентот.
Засега делото е оквалификувано како нарушување на јавниот ред и мир, велат од Полициската управа.
Студентите на групата СТАВ ги сметаат изборите за нелегитимни бидејќи на нив учествува само една листа, но и затоа што тие се одржуваат во зградата на Ректоратот, а не во матичниот Филозофски факултет.
Околу 8 часот почнаа изборите за Студентски парламент на Филозофскиот факултет, а студентите на СТАВ го блокираат влезот во Ректоратот и не дозволуваат никој да влезе и да гласа, јавува новосадскиот портал 021.
Во тој момент, како што пренесува овој медиум, дошло до инцидент кога лица во зградата на факултетот ја турнале вратата на девојките кои биле пред неа и на тој начин ги повредиле, а полицијата не реагирала.
Изборите за Студентски парламент на Филозофскиот факултет во Нови Сад, кои повеќепати беа блокирани од студенти од организацијата СТАВ кои тврдат дека изборите се нелегитимни бидејќи на нив учествуваат само претставници од листата на Студентскиот сојуз, се презакажани за денеска, во зградата на Ректоратот на Универзитетот во Нови Сад.
Студенти од групата СТАВ летово две недели ја блокираа зградата на Ректоратот, за да спречат одржување на избори.