Генералниот секретар на НАТО, Марк Руте, доцна синоќа изјави дека прашањето дали Гренланд ќе остане под Данска не било дискутирано на неговата средба со Доналд Трамп, откако американскиот претседател ги повлече заканите за царини врз европските земји и ја исклучи употребата на воена сила за преземање на контролата врз Гренланд
Данска сака да продолжи со конструктивниот дијалог со своите сојузници во врска со безбедноста на Гренланд и Арктикот, но истовремено почитувајќи го својот територијален интегритет, изјави данската премиерка Мете Фредериксен како одговор на заканите од американскиот претседател Доналд Трамп.
„Можеме да преговараме за сите политички аспекти: безбедност, инвестиции, економија. Но, за едно нешто не можеме да преговараме, а тоа е нашиот суверенитет“,
се наведува во соопштението од премиерката.
Генералниот секретар на НАТО, Марк Руте, доцна синоќа изјави дека прашањето дали Гренланд ќе остане под Данска не било дискутирано на неговата средба со Доналд Трамп, откако американскиот претседател ги повлече заканите за царини врз европските земји и ја исклучи употребата на воена сила за преземање на контролата врз Гренланд.
Данската премиерка нагласи дека одржува близок дијалог со НАТО и додаде дека редовно разговарала со Руте, особено пред и по неговата средба со претседателот Трамп во Давос.
„Кралството Данска сака да продолжи со конструктивен дијалог со своите сојузници за начините за зајакнување на безбедноста на Арктикот, вклучително и Златната купола на САД, под услов тоа да се направи со почитување на нашиот територијален интегритет“,
повтори таа.