Крајно десничарските и левичарските партии најавија дека ќе гласаат за недоверба на премиерот Мишел Барние откако тој рече дека ќе се обиде да го протурка буџетот за социјално осигурување низ Долниот дом на парламентот без гласање, откако не успеа да обезбеди поддршка од екстремно десничарската „Национален собир“ на Марин Ле Пен
Речиси извесно е дека владата на Франција ќе се соочи со пад во наредните неколку денови откако крајно десничарските и левичарските партии најавија дека ќе гласаат за недоверба на премиерот Мишел Барние.
Нивниот потег уследи откако Барние рече дека ќе се обиде да го протурка буџетот за социјално осигурување низ Долниот дом на парламентот без гласање, откако не успеа да обезбеди поддршка од екстремно десничарската партија „Национален собир“ на Марин Ле Пен. Ле Пен најави дека нејзината партија ќе поднесе сопствена иницијатива за гласање на недоверба на владата, но и дека ќе поддржи сличен предлог на други партии.
„На Французите им е доста. Можеби мислеа дека работите ќе бидат подобри со Мишел Барние, но полоши се“,
рече Ле Пен.
Ако сите пратеници на „Национален собир“ и левицата гласаат за соборување на Барние, владата нема да опстане.
Гласањето би можело да се одржи веќе во среда, на 3 декември, пренесува Ројтерс.