Забраната ќе стапи на сила веднаш, напиша Министерството за јавни услуги на Твитер, а се однесува и на Инстаграм и на платформата за стриминг Нетфликс
Франција воведува забрана за користење на социјалната мрежа Тик-ток и други популарни апликации на мобилните телефони на јавните службеници поради несоодветна безбедност и заштита на податоците, објавија властите во Париз.
Забраната ќе стапи на сила веднаш, напиша Министерството за јавни услуги на Твитер, а се однесува и на Инстаграм и на платформата за стриминг Нетфликс.
Франција е последната во низата земји што презема такви чекори против Тик-ток поради безбедносни грижи. САД, Германија, Велика Британија и Европската комисија, исто така, забранија апликација во сопственост на кинеска компанија за споделување видео од мобилните телефони на јавните службеници.
Американските власти, исто така, размислуваат целосно да го забранат Тик-ток, наведувајќи ја загриженоста дека кинеските разузнавачки служби би можеле да го користат за собирање податоци и влијание врз корисниците.
Тик-ток ги отфрла овие наводи. Повеќе од милијарда луѓе ширум светот ја презеле апликацијата, која и припаѓа на кинеската компанија „Бајт денс“.