Македонската ракометна репрезентација својот воведен натпревар во групата Б ќе го игра утревечер во Хернинг со почеток во 20:30 часот против кодомаќинот Данска
Франција ја совлада Чешка, додека Шпанија беше поуспешна од Србија во двата воведни натпревари со кои вечерва официјално почна 17. Европско првенство во ракомет чии домаќини се Данска, Шведска и Норвешка.
Франција во доминантен стил триумфира над Чешка во Осло со 42-28 за стартна победа во групата Ц, додека Шпанија во Хернинг не дозволи изненадување против Србија, совладувајќи ја со 29-27, во воведниот натпревар во групата А.
Првиот ден на ЕХФ Еуро 2026 ќе биде комплетиран вечерва со дуелите меѓу Норвешка – Украина и Германија – Австрија.
Македонската ракометна репрезентација својот воведен натпревар во групата Б ќе го игра утревечер во Хернинг со почеток во 20:30 часот против кодомаќинот Данска.
Избраниците на селекторот Кирил Лазаров на 18 јануари за противник ќе ја имаат Португалија, а два дена подоцна ќе играат против Романија.
Титулата ја брани Франција, која на претходното Европско првенство ја победи Данска во финалето со резултат 33:31 по продолженијата, во една од највозбудливите завршници во историјата на ова натпреварување.