Франција ќе ги награди странските здравствени работници и други странци, кои работат на првата линија во борбата со пандемијата со ковид-19, со тоа што ќе им обезбеди државјанство по брза процедура за оние што ќе побараат.
Според упатствата од Министерството за внатрешни работи, регионалните претставници мора да дадат предност на апликации за државјанство на странци кои се активно вклучени во националните напори против епидемијата во која има речиси 31 000 смртни случаи во Франција.
Се вели дека странците што се посветени и смели во своите напори против коронавирусот можат да добијат државјанство за две години, наместо вообичаените пет, заради нивните значајни услуги кон државата.
Во документите се посочени посебно здравствените работници. Во упатствата не се споменува колку луѓе би можеле да имаат корист од ова решение.