Портпаролот на француската Влада Габриел Атал претходно оваа недела изјави дека се очекува „голем бран“ на нов вид на коронавирус и најави можност за дополнителни мерки против епидемијата
Повеќе од 100 000 нови заразени со коронавирус се регистрирани денеска во Франција, што е најмногу од почетокот на пандемијата во март 2020 година, соопштија официјални претставници.
Со 104 611 нови случаи за 24 часа, земјата достигна невидено ниво досега, а Владата в понеделник на посебна седница треба да разгледа нови мерки.
На 4 декември се регистрирани над 50 000 дневни заразени, а денеска, три недели после тотоа, бројката е двојно зголемена, покажуваат податоците на здравствената агенција.
Портпаролот на француската Влада Габриел Атал претходно оваа недела изјави дека се очекува „голем бран“ на нов вид на коронавирус и најави можност за дополнителни мерки против епидемијата.
Властите повикаа на ограничено движење на граѓаните за Божиќ и Нова Година, додека огнометот и новогодишниот концерт на Елисејските полиња беа откажани во Париз.