Илјадници луѓе ги преплавија плажите во Калифорнија и покрај советите да останат дома како превенција од ширење на коронавирусот.
Исклучително топлото време беше причина жителите да заминат на плажите и на терените за голф во регионот. Полицијата во Пацифик Гроув соопшти дека морала да го затворат резортот Ловерс Поинт Парк енд Бич и јужниот дел на заливот Монтереј поради неможноста да се одржува физичко растојание меѓу посетители.
И покрај наредбите да останат дома упатени во петокот и саботата, стравот од ковид 19 не ги спречи илјадниците постители да дојдат во популарните места Њупорт и Хантингтон Бич.
„Калифорнија единствено може да ја исправи кривата ако останеме дома и одржуваме физичка оддалеченост. Ја имате можта буквало да спасите животи“,
напиша гувернерот на оваа федерална држава Гевин Њусон на Твитер.
Но сцените на масовно посетените плажи долж брегот на Калифорнија, покажуваат дека најголем број од жителите се оглушиле на апелите, и уживаа сончајќи се и дружејќи се на песокот.
Во полициските билтени се заведени само три апсења на лица во Сан Диего кои не ја почитувале мерката за физичка дистанца.
САД се први на листата по бројот на заболени од ковид-19 во светот, со 975 798 случаи и 54 941 починат.