Хрватските медиуми јавуваат дека на земјата е видлив голем кратер и дека очигледно нешто удрило во земјата, а очевидци тврдат дека слушнале и експлозија. Пронајдени се и два падобрана
Силен тресок синоќа нешто по 23 часот се слушнал во Загреб, во населбата Јарун, а хрватските медиуми јавуваат дека на земјата е видлив голем кратер и дека очигледно нешто удрило во земјата, а очевидци тврдат дека слушнале и експлозија.
Индекс.хр, повикувајќи се на добро упатени извори, јави дека според досега собраните информации од надлежните служби, на загрепски Јарун паднал дрон. Пронајдени се два падобрана.
ФОТО: Index.hr
Полициската управа на Загреб соопшти дека добила повеќе пријави од граѓани дека слушнале детонација во поширокото подрачје на Јарун. Местото го обезбедува полицијата и во тек е увид.
Полицијата засега нема пријави за повредени на поширокото подрачје на местото на инцидентот. Оштетени се неколку паркирани возила.