Прегазената девојка е од Радовиш, исто како и повреденото лице кое е хоспитализирано
Во сообраќајната незгода која вечерва се случи во близина на „Сити Мол“ во Скопје, во населба Карпош, прегазената девојка која загина на местото на настанот имала 24 години, а повредено е уште едно лице, кое е хоспитализирано, велат од МВР за „360 степени“.
„На 20.01.2022 год. во 19.44 час. пријавено е дека на ул.Московска со бул.Партизански Одреди се случила сообраќајна незгода во која ПМВ Цитроен управувано од Ј. Ѓ. (1999) од Скопје удрило во Л.Д. (1997) од Радовиш кој е повреден и пренесен во ГОБ 8-ми Септември и В.Н.1997 од Радовиш. која починала на лице место“,
велат од МВР.
Од МВР додаваат и дека се врши увид на местото на несреќата.