Градоначалникот на Будимпешта, Гергели Карачони, најави дека градот ќе употреби милион вреќи со песок за да се одбрани од поплави кои, според него, може да бидат една од најлошите во изминатата деценија, а 10 000 вработени и 15 000 волонтери се ангажирани за подготовка и одбрана од поплавите во главниот град
Главниот град на Унгарија се подготвува за огромен воден бран што в сабота треба да го достигне својот максимум во Будимпешта. Според прогнозите, се очекува нивото на водата на Дунав да достигне 8,5 метри.
„Поради обилните дождови и поплавите, ситуацијата е критична во цела Централна Европа. Според последните прогнози, клучниот период за Унгарија започнува утре, па заштитата од поплави оди со полна пареа. Ние ќе го направиме тоа!“,
напиша унгарскиот премиер Виктор Орбан на социјалната платформа Икс.
Due to heavy rains and #floods, the situation is critical all across Central Europe. According to the latest forecasts, the crucial period for #Hungary will begin tomorrow, so flood protection is going full steam ahead. We will do it! pic.twitter.com/F1JiWwP1fr
— Orbán Viktor (@PM_ViktorOrban) September 17, 2024
Најголемата европска река Дунав веќе се излеа од коритото во Будимпешта и стигна до зградата на унгарскиот парламент, јавуваат локалните медиуми.
🇭🇺 #Budapest still awaits the culmination of the #flood wave on the #Danube. On the night between Thursday and Friday (19th/20th September), the #water level of the Danube in the #Hungarian capital already exceeded 8 meters. According to hydrologists, the peak of the flood wave… pic.twitter.com/Qu9frf01XO
— Kurier.plus (@kurier_plus) September 20, 2024
Снимките и фотографиите објавени на социјалните мрежи покажуваат надојдена вода околу зградата.
🇭🇺 | The Danube River has burst its banks in #Hungary. In #Budapest, the embankment in the city center is flooded.
— Weather monitor (@Weathermonitors) September 19, 2024
The peak of the flood is predicted for September 21.
September 19.2024#floods | #Powodź | #hungry | #Boric https://t.co/xSFedwTGpI pic.twitter.com/DfRrFHgO2Z
Градоначалникот на Будимпешта, Гергели Карачони, најави дека градот ќе употреби милион вреќи со песок за да се одбрани од поплави, кои, според него, може да бидат едни од најлошите во изминатата деценија, а 10 000 вработени и 15 000 волонтери се ангажирани за подготовка и одбрана од поплавите во главниот град.
Vízállásjelentés.#danube #budapest pic.twitter.com/Bar3YMcI08
— DetteSz 💬 (@DetteSzilagyi) September 20, 2024
„Овој период е најтешкиот дел… ќе трае околу една недела или осум дена од денеска“,
рече тој додавајќи дека врвот на бранот поплави на јужната граница се очекува да помине надвор од унгарската територија следниот четврток.
Најголемите поплави што ја погодија централна Европа во најмалку две децении оставија трага на уништување од Романија до Полска, со кал и урнатини во градовите, уништени мостови, потопени автомобили, оставајќи ги властите и луѓето со сметки за штети кои ќе се мерат во милијарди долари.
Во европските земји досега животот го загубија 20 лица, а Унгарија со денови се подготвува за најлошото. Унгарскиот премиер Виктор Орбан ги одложи сите свои меѓународни обврски и го посети населението на градот неколку десетици километри оддалечен од Будимпешта за да ги следи подготовките за одбрана од поплави додека бурата Борис уништува се пред него.