Како што пренесува Ројтерс, од експлозијата целосно се урнати два ката, а оштетени се и други. Исто така, скршени се и прозорците на блиското средно училиште
Во романскиот главен град Букурешт утрово се случи експлозија во станбена зграда, при што загинаа најмалку три лица, а 17 други се повредени. Меѓу загинатите, според романските медиуми, е и бремена жена.
Можна причина за експлозијата, според тамошните медиуми, е истекување гас, кој наводно еден од соседите што живее во зградата го вклучил, иако претходно бил исклучен. Сепак, таа информација сè уште не е официјално потврдена.
An explosion occurred in a residential building in Bucharest, destroying several apartments on the 5th and 6th floors.
— NEXTA (@nexta_tv) October 17, 2025
Authorities in the Romanian capital confirmed that two people were killed, while another 12 were hospitalized, according to preliminary reports. pic.twitter.com/rxPsE1wIaM
Како што пренесува и Ројтерс, од експлозијата целосно се урнати два ката, а оштетени се и други. Исто така, скршени се и прозорците на блиското средно училиште.
Детонацијата била толку силна што ги потресла и блиските згради.
Bubuitura s-a auzit in tot Bucurestiul. Pana si eu am simtit-o in Pipera.
— Lucian Mindruta (@LucianMindruta) October 17, 2025
2 morti, 11 raniti in explozie. Rahova. pic.twitter.com/VIkQflfuSe
Вработените во романската компанија за гас „Дистригаз“ се алармирани рано утрово дека во зградата се шири мирис на гас, а пристигнале на местото откако експлозијата веќе се случила.
Станарите од зградата се евакуирани и им е забрането да се вратат во своите станови поради опасноста таа да се сруши.
Евакуирани се и учениците и наставниците од блиската гимназија.