Украинскиот претседател Володимир Зеленски го осуди нападот, во кој, како што рече, меѓу загинатите е и едно дете, а многу други се повредени
Украинските власти соопштија дека најмалку 17 лица загинале, а 32 се повредени во руски напад на преполн пазар во источниот град Костијантинивка што се случил денеска, пренесува „Гардијан“. Претходно бројот на загинати што го соопштија властите во Киев изнесуваше 16 настрадани лица.
Министерот за внатрешни работи Игор Клименко изјави дека операцијата за пребарување и спасување во Костијантинивка е завршена, пренесува Ројтерс.
„До 18:00 часот (15:00 часот по Гринич) 17 лица загинаа, а 32 се повредени како резултат на руското гранатирање“,
рече тој.
Сепак, како што посочува агенцијата, податоците за бројот на загинати и повредени треба допрва да бидат независно потврдени.
Претходно, во објава на Телеграм, украинскиот претседател Володимир Зеленски го осуди нападот, во кој, како што рече, меѓу загинатите е и едно дете, а многу други се повредени.
Зеленски во објавата рече дека пазар, продавници и аптека биле погодени во источниот град блиску до бојното поле и на околу 30 километри од градот Бахмут, каде што со месеци се одвиваат тешки борби.
„Ова руско зло мора да биде поразено што е можно поскоро“,
рече тој.
Hello dear world. I want you to imagine how it is to live in Ukraine. You go to the market or to the store to buy food for your family. Suddenly, in a matter of seconds, a russian rocket arrives – and that’s it.
— Freel Фріл (@FreelFreel) September 6, 2023
Ukraine needs ATACMS and TAURUS to defend against russian terrorism pic.twitter.com/W2oVMspDmh
Украинските власти објавија видео на Телеграм на кое се гледа силна експлозија што се распрснува низ трговските улички, при што луѓето паѓаат на земја, а некои трчаат барајќи засолниште.