Трговскиот центар се наоѓал во густо населен дел на Киев, помеѓу повеќе станбени згради
По ракетен напад на трговски центар во Киев се запалиле и неколку околни возила, соопшти украинската Служба за итни состојби, а оттаму додаваат и дека 63 пожарникари го гаселе пожарот кој го зафатил третиот и четвртиот кат на трговскиот центар, пренесуваат украинските медиуми.
„Како последица на непријателскиот ракетен напад и пожарот кој следеше потоа, трговскиот центар е уништен, прозорците на околните станбени згради испукаа, а оштетени се и паркирани возила“,
пишува во објава на врховното обвинителство на Телеграм.
Оттаму најавија и дека бројот на жртви би можел да порасне, пренесувајќи дека бројот на мртви е базиран на прелиминарни информации, пренесува „Си-Ен-Ен“.
„Киев Индепендент“ пренесува дека досега има најмалку осум жртви во ова гранатирање.
Трговскиот центар се наоѓал во густо населен дел на Киев, помеѓу повеќе станбени згради.
Претходно и градоначалникот на Киев, Виталиј Кличко извести за овој напад и објави дека има најмалку една жртва.