Објектот се гради од 2013-та година. Основната намена, беше кажано тогаш, е да послужи како посебен антенски систем за контрола на радиофрекфенциите, но и да биде туристичка атракција и белег на градот
„360 степени“ направи репортажа од изградбата пред точно една година. Тогаш темпото на работа беше паднато бидејќи Град Скопје престана да ги пушти тешките камиони на изведувачот да се искачат по асфалтниот пат до врвот на Водно
Претседателот на комисијата Комисијата на Агенцијата за електронски комуникации, Орце Симов, објави дека телекомуникациската кула на Водно е во „завршна фаза“. Заедно со неколку фотографии и видеа на својот Фејсбук профил, тој напиша и:
„За 10 дена кранот треба да биде симнат. Остануваат неколку ситници и приклучокот за електрична енергија со ЕВН.“
Во објавата на Фејсбук има и неколку видео материјали. Во еден од нив, коментира Симов, се гледа тестирање на ротирачката платформа која вртела цел круг за околу еден час.
Телекомуникациската кула на Водно треба да биде висока 155 метри, што ја прави околу два и пол пати повисока од соседниот Милениумски крст. Почна да се гради во 2013-та година, Идејата на проектот, како што беше најавено, е да се изгради посебен антенски систем за контрола на радиофрекфенции. Но, покрај првичната функција, кулата беше замислено да има и друга намена – да биде магнет за туристи, атракција и ново обележје на градот.
„360 степени“ направи репортажа од изградбата на објектот лани, во јули. Тогаш, работите ја загубија динамиката поради спорот што настанал меѓу инвеститорот и изведувачот од една страна и Град Скопје, од друга страна.