Поради посетата на премиерката Брнабиќ во земјава, ќе биде воведен посебен сообраќаен режим во поширокото централно подрачје на Скопје
Српската премиерка Ана Брнабиќ утрово пристигна во работна посета на нашата земја.
На скопскиот аеродром ја пречека вицепремиерот за европски прашања Бојан Маричиќ.
Брнабиќ потоа пристигна во Владата на работна средба со премиерот Димитар Ковачевски, на која присутен ќе биде и вицепремиерот Маричиќ, а потоа, како што е најавено заедно со Ковачевски ќе присуствува и ќе се обрати на Самитот што го организира „Македонија 2025″.
Поради посетата на премиерката Брнабиќ, ќе биде воведен посебен сообраќаен режим во поширокото централно подрачје на Скопје. Од Секторот за внатрешни работи Скопје апелираат до сите учесници во сообраќајот да ги почитуваат наредбите на полициски службеници.
Фото: МИА