Во спортската сала „Билјанини извори“ во Охрид се поставуваат вакцинални пунктови за имунизација на жителите од овој регион.
Како што информира министерот за здравство Венко Филипче, во салата ќе има 28 вакцинални пункта, на кои дневно е во план да се вакцинираат над 1 500 граѓани.
„За вакцинација во салата ангажирани се 50 медицински сестри, 10 лекари и 24 административни работници. Вакциналните пунктови ќе работат во две смени. Во тек е подготовка на спортски сали за масовна вакцинација во Битола, Кавадарци, Штип, Куманово и Тетово“,
вели Филипче.