Паднати покриви од згради има во Чаир, во Ѓорче Петров, на булеварот „Партизански одреди“ во близина на бензинската пумпа „Окта“, како и паднати дрвја, гранки од дрвја и контејнери
Силниот ветар во Скопје попладнево остави делови од градот без електрична енергија, а на неколку локации предизвика и материјална штета.
Паднати покриви од згради има во Чаир, во Ѓорче Петров, на булеварот „Партизански одреди“ во близина на бензинската пумпа на „Окта“, како и паднати дрвја, гранки од дрвја и контејнери.
Од ЦУК информираат дека надлежните служби внимателно ја следат состојбата, и дека се во постојана координација со сите релевантни служби на терен.
Се повикуваат граѓаните кои имаат претрпено материјални штети или воочат дополнителни ризици, да се обратат на бројот за итни повици 112.
Управата за хидрометеоролошки работи предупреди дека попладне и во текот на ноќта ќе биде променливо облачно и нестабилно време со локален пороен дожд и грмежи.
И во недела претпладне времето ќе биде променливо облачно и нестабилно со локален пороен дожд и грмежи.