Според одредени статистики, Јужна Европа ја живее најтешката сезона на шумски пожари во последните две децении. Меѓу најтешко погодените земји се Шпанија и Португалија. Пожарите изгореа шуми, куќи, фабрики и други објекти, предизвикаа прекини во патниот и железничкиот сообраќај, а одзедоа и човечки животи
Јужна Европа доживува една од најлошите сезони на шумски пожари во последните две децении, а Шпанија и Португалија се меѓу најтешко погодените земји.
Пожарникарите во Шпанија се борат со пожари што се проширија во три региони на истокот од земјата. Железничкиот сообраќај е прекинат, а повеќе патни правци се затворени.
Делница долга 50 километри од популарната рута за поклонение Камино де Сантијаго е исто така блокиран.
Досега се потврдени четири смртни случаи, а илјадници луѓе се принудени да ги напуштат своите домови. Според последните информации, повредени се неколку пожарникари, од кои еден е во сериозна состојба поради изгореници.
Само оваа година досега во земјата изгореа 382 600 хектари – површина со големина колку најголемиот шпански остров Мајорка.