Претседателот на Србија, Александар Вучиќ, најави дека ќе ја заштити цената за шеќерот, како и дека се водат преговори со две фабрики за шеќер и претставници на 20 трговски синџири и дека до утре ќе се интервенира со 260 тони шеќер
Да се најде шеќер денеска во белградските продавници е невозможна мисија, јавуваат српските медиуми. Иста е состојбата и во големите маркети, но и во локалните продавници што ги посетиле. На полиците има само неколку пакувања шеќер во прав, а вработените велат дека ваква е состојбата во последните три дена. Поради недостигот, некои маркети ја ограничуваат количината на шеќер што може да се купи.
велат дел од вработените за Нова.рс.
„Луѓето влегуваат 10 минути и бараат шеќер, а јас постојано им велам дека нема. Очекувавме испорака утрово, но ништо. Не верувам дека ќе дојде ни попладне“,
Во два водечки супермаркети во Белград имало поставено информации дека на потрошувачите им е дозволено да купат најмногу пет килограми шеќер, како и дека трговските синџири се обидуваат да обезбедат доволни количини.
Претседателот на Србија, Александар Вучиќ, најави дека ќе ја заштити цената за шеќерот, како и дека се водат преговори со две фабрики за шеќер и претставници на 20 трговски синџири.
„До четврток ќе интервенираме со дополнителни 260 тони шеќер“,
рече српскиот претседател и нагласи дека Србија нема проблеми со храната.
Српските медиуми потсетуваат дека пред една недела имало доволни количини основни прехранбени производи, меѓу кои и шеќер, но дека и тогаш затекнале сцени каде што во потрошувачките корпи на граѓаните има по речиси 10 килограми шеќер.