Од МВР најавуваат дека активностите на полициските хеликоптери продолжуваат се до целосно гасење на пожарите на територијата на целата држава
Полициски службеници со хеликоптерот на МВР „Агуста бел 212“ денеска извршија спасување на повредено воено лице на линијата на пожарот, информираа од Министерството за внатрешни работи (МВР).
„Во исклучително тешки услови беше извршено драматично спасување на С.Н. од македонската Армија од првата пешадиска бригада од Штип за време на неговата несебична борба со огнената стихија. Полициските службеници уште еднаш на дело ја покажаа својата хуманост и одговорност кон секој еден човек пред се“,
соопшти МВР.
Оттаму најавуваат дека активностите на полициските хеликоптери продолжуваат се до целосно гасење на пожарите на територијата на целата држава.
Во текот на изминатото деноноќие биле евидентирани вкупно 33 пожари на отворен простор, од кои 12 се активни, пет се под контрола, а 16 се изгаснати, информираа од Центарот за управување со кризи (ЦУК).