Одземениот канабис е сместен во магацинот на Агенција за управување со одземен имот
Полициски службеници од Бирото за јавна безбедност, Единицата за недозволена трговија со дрога при Одделот за криминалистичка полиција и Одделот за сузбивање на организиран и сериозен криминал, со поддршка на Единицата за брзо распоредување, денеска, од објект на правно лице за производство на марихуана за медицински цели, лоциран во општина Зелениково, одзеле 2 014 килограми сув цвет од растението канабис.
Како што информираат од Министерството за внатрешни работи, канабисот е одземен од управителот Ш. Ф. (43) од Република Турција, поради утврдени нерегуларности во работењето, спротивно на Законот за контрола на опојни дроги и психотропни супстанции, за што веќе против правното лице и управителот од страна на МВР е поднесена кривична пријава по чл. 95-в од Законот.
Одземениот канабис е сместен во магацинот на Агенција за управување со одземен имот, додаваат од МВР.