Музичката програма на плоштадот „Македонија“ започнува од 20:30 часот
На скопскиот плоштад во тек се подготовки за дочекот на Нова година.
Се поставува сцената на која вечерва ќе настапат повеќе домашни музички изведувачи со почеток од 20:30 часот.
Според програмата на Град Скопје на сцената прво ќе настапат „Пука Козметика“, па „ДНК“, Бени Шаќири и „Нон-стоп“, по што следуваат „Нокаут“, Наум Петрески и Зуица Лазова.
Во пресрет на Нова Година, во центарот на градот во текот на денот беше раздвижено, а речиси и да немаше слободно место во кафулињата и рестораните каде имаше предновогодишни забави.
Голем број граѓани го посетија и новогодишниот базар „Винтерленд“.
