На Ѓорѓиевски вечерва пред „Борис Трајковски“ му се придружија сите скопски градоначалници, а присутен беше и премиерот Христијан Мицкоски
Од пред платото на спортскиот центар „Борис Трајковски“ вечерва започна големата акција што ја најави градоначалникот на Скопје Орце Ѓорѓиевски, „72 часа чисто Скопје“. На платото пред спортскиот центар се наоѓаат десетици камиони, цистерни и механизација подготвени за чистење на Скопје.
„Во наредните 72 часа ќе дадеме сè од себе да блесне градот Скопје онака како што практично им ветив на моите сограѓани. Дополнително ќе помогнат и колегите градоначалници од внатрешноста, ќе бидат вклучени цистерни за перење на улиците. После долго време ќе ги переме и улиците во главниот град, плоштадот ќе се пере вечерва, кејот сериозно ќе се чисти и ќе се пере, така што дел по дел ќе ги ревитализираме и јавните претпријатија, да ги доведеме во нормала“,
рече Ѓорѓиевски.
На Ѓорѓиевски вечерва пред „Борис Трајковски“ му се придружија сите скопски градоначалници, а присутен беше и премиерот Христијан Мицкоски.
