На средбата премиерот Димитар Ковачевски дојде во придружба на вицепремиерот за економски прашања Фатмир Битиќи, но не сакаше да даде изјава за медиумите пред почетокот на лидерската. Лидерот на ВМРО-ДПМНЕ, Христијан Мицкоски, пак, изразувајќи му сочувство на семејството на 14-годишната Вања, рече дека немаат други позиции освен оние кои се кажани во јавноста
Претседателот на Левица, Димитар Апасиев, пак, не е присутен на средбата. Тој уште доцна синоќа објави дека нема да присуствува на лидерската средба поради случајот со малата Вања и побара откажување на состанокот
Лидерите на најголемите парламентарни партии во земјава – владејачките СДСМ и коалицијата, ДУИ и Алијанса за Албанците, опозициските ВМРО-ДПМНЕ и коалицијата, партиите од „Европскиот сојуз за промени“ денеска во законодавниот дом седнаа на заедничка маса со цел да го договорат датумот за одржувањето на претседателските и парламентарните избори в година. Се очекува да се разговара и за евроинтеграциите и техничката влада.
На лидерската средба присуствува и претседателот на Собранието, Талат Џафери.
Претседателот на Левица, Димитар Апасиев, пак, не е присутен на средбата. Тој уште доцна синоќа објави дека нема да присуствува на лидерската средба поради случајот со малата Вања и побара откажување на состанокот.
Првите луѓе на партиите се очекува да го договорат датумот за претседателските и парламентарните избори, кои е извесно дека ќе се одржат во мај 2024 година.
На средбата премиерот Димитар Ковачевски дојде во придружба на вицепремиерот за економски прашања Фатмир Битиќи, но не сакаше да даде изјава за медиумите пред почетокот на лидерската.
Лидерот на ВМРО-ДПМНЕ, Христијан Мицкоски, пак, изразувајќи му сочувство на семејството на 14-годишната Вања, рече дека немаат други позиции освен оние кои се кажани во јавноста.
„Очекувам да слушнам уште една гимнастика од страна на Ковачевски и владините партнери. Јас побарав лидерска средба во формат што тие ќе го изберат. Правеа обиди за политички гимнастики повеќе недели за да на крај повторно завршиме на една таква лидерска средба. Изгубеното време не можеме да го вратиме. За жал, тоа изгубено време не чини уште некое време неспособна и криминална власт, но за неколку месеци од денеска ќе дојде крај“,
рече Мицкоски.
На прашањето дали ќе побараат укинување на техничка влада и да ги гласаат уставните измени, Мицкоски рече дека не се шегува со тоа што го кажува како нивна позиција.
„Бидејќи вчера политичар на заминување имаше интервју на еден национален медиум и кажа дека е сигурен и тврди дека ќе има уставни измени дали сега или за шест месеци. Јас ќе ви кажам дека уставни измени нема да има додека немаме јасен европски пат и додека не видиме јасно поместување на хегемонистичките и асимилаторски политики на нашиот источен сосед кон македонската заедница во Бугарија. Исто така, тврдам дека за неколку месеци од денеска многумина политичари ќе бидат минато на нашата политичка сцена меѓу кои и тој. А техничката влада не е предмет на оваа средба, јас колку што знам предмет не се ниту уставни измени ниту техничка влада туку предмет се датум за парламентарните избори и датум за претседателските избори“,
додаде Мицкоски.
За тоа ако СДСМ прифати на изборите да оди заедно со ДУИ и со Алијанса за Албанците, прашан дали ВМРО-ДПМНЕ ќе оди со опозициските албански партии на избори, Мицкоски рече дека тоа е нивна одлука.
„Јас им посакувам среќа, долги години во опозиција за да може да се реформираат и реконструираат и да излезат од криминалната матрица и прегратките на криминалците во кои се наоѓаат изминатите години“,
додаде тој.
Пред средбата изјава за медиумите даде и лидерот на Народно движење, Скендер Реџепи, кој рече дека не очекува некоја драстична промена на денешниот состанок затоа што има дијаметрално спротивни ставови за изборите и Изборниот законик.
„Барањето евентуално на ВМРО-ДПМНЕ да биде отстранета техничката влада би го поддржал под услов да одлучиме за уставни измени и ќе одиме на избори со уставни измени. Верувам дека согласноста ќе биде за околу мај, меѓутоа она што е најважно за мене е да успееме да вметнеме евроинтеграциски договор и одлука евентуално за уставни измени. Не верувам дека има таква подготвеност оти сепак на некои политички партии изборите им се поважни отколку иднината на граѓаните, но реалноста е таа“,
рече Реџепи.
Лидерот на Алијанса за Албанците, Арбен Таравари, пак, рече дека партиите од Владата се синхронизирани.
„Сега бараме широк консензус за одржување на претседателски и парламентарни избори заедно кои би се одржале кон крајот на април или почеток на мај“,
рече Таравари.
Околу укинувањето на техничка влада, Таравари рече дека за тоа требало да се разговара пред една година или две.
Изминатиот период лидерите на најголемите партии во јавните настапи веќе изразија согласност дека изборите би можеле да се одржат во мај. Евентуален втор круг од претседателските избори и парламентарните избори најверојатно ќе се одржат на 8 мај, а првиот круг од претседателските избори во тој случај би бил на 24 април.
Премиерот и лидер на СДСМ, Димитар Ковачевски, во најавата дека ќе свика лидерска средба како една од темите за разговор ги посочи евроинтеграциите, потоа датумот за изборите и Изборниот законик согласно забелешките на ОБСЕ/ОДИХР. Од ВМРО-ДПМНЕ, пак, излегоа со став дека е прифатлива лидерска средба, но на која би се разговарало за конечно прецизирање на датумот за избори, прифаќање на забелешките на ОБСЕ/ОДИХР, како и понудата за укинување на техничка влада, во замена за тоа да нема технички премиер од ДУИ.
Ковачевски во саботата рече дека успешна лидерска средба значи дека политичките партии ќе седнат на маса и нема да постои уценување од една политичка партија кон друга.
„Очекувам конструктивна лидерска средба во која ќе учествуваат сите политички партии застапени во Парламентот, бидејќи тоа е начинот на кој функционира едно демократско општество, каде што сите кои учествуваат во еден натпревар треба да имаат збор во начинот на кој се организира натпреварот“,
изјави Ковачевски.
Финалниот збор за датумот на одржување на парламентарните и претседателските избори, како што рече, треба да го кажат партиите, но според календарот најголема можност за такво нешто е во месецот мај, потсетувајќи дека следната година ќе бидат први редовни парламентарни избори во нашата држава по 2006 година.
Опозициската ВМРО-ДПМНЕ изминатиот период интензивно повикува на одржување заеднички претседателски и парламентарни избори во мај идната година. Лидерот на партијата, Христијан Мицкоски, уште во октомври годинава го спомена 8 мај како единствен датум кога може да се одржат заеднички избори во редовен термин. Од опозициската партија периодов го интензивираа и барањето за укинување на техничката влада, нагласувајќи оти се против со неа да раководи кадар на ДУИ.
Министерот за надворешни работи и портпарол на ДУИ, Бујар Османи, синоќа изјави оти смета дека е важно прашањето за уставните измени да се отвори на лидерската средба. Според него, уставните измени ќе се случат, како што тврди, најдоцна шест месеци од денеска, во која било комбинација. Османи, во гостувањето на телевизија Сител, порача дека државата не може да стагнира на европскиот пат, бидејќи, како што рече, тоа е нашиот кислород и врзивно ткиво. Според него, уставните измени ќе се случат и ќе гласаат токму актерите кои денеска се противат, за како што вели, да добијат на избори. Без уставни измени, нагласи тој, нема продолжување на преговорите и тоа е јасно.
„Скринингот завршува оваа недела, и тоа со поглавјето за МНР. Извештајот таму потврди 100 проценти усогласеност во надворешната политика, многу добар напредок, меѓутоа такви се правилата“,
изјави тој.
Османи, исто така, посочи дека ние сме еден чекор напред и во споредба со Албанија, но дека не очекува во декември да има поместување. Министерот и потпретседател на ДУИ, исто така, рече дека техничкиот премиер ќе биде на предлог на ДУИ и дека може да биде Талат Џафери, но дали ќе биде, сепак за тоа треба одлука од органите на партијата, кои, како што рече, ќе се состанат следнава недела.
Според извор на ,,360 степени” во владејачката коалиција, Талат Џафери од ДУИ да биде премиер на техничката влада сто дена пред избори, а Јован Митрески од СДСМ – нов претседател на Собранието е најсериозната варијанта за спроведување на политичкиот договор постигнат меѓу Зоран Заев и Али Ахмети во 2020 година, во пресрет на парламентарните и претседателските избори в година. Решението не е дефинитивно потврдено од партнерите во власта, но е најизвесната варијанта во овој момент на маса, додава изворот на ,,360 степени”. Со него би се постигнал баланс во распределбата на врвните функции во власта, ДУИ не би имала и премиер и претседател на парламентот во исто време, во случај да не се избере шеф на државата, в.д. претседател би бил етнички Македонец.