Бизнисменот Љупчо Палевски бил нападнат од две лица со метален предмет. Како што претходно објавивме, нападот се случил кај неговиот дом во близина на трговскиот центар Буњаковец во Скопје.
Полицијата го потврди настанот и работи на негово расчистување.
„360 степени“ дојде и до фотографија од настанот што е направена откако на Палевски му е укажана прва помош.
„Денеска околу 17:15 часот пријавено е дека на улицата Златко Шнајдер од страна на две лица, кои биле на мотоцикл, со употреба на метален предмет бил нападнат Љ.П. Се работи на расчистување на случајот“,
велат од МВР.
Според нашите информации, Палевски по нападот е хоспитализиран во приватната болница „Аџибадем Систина“.