Екипажот ги направи фотографиите во времето кога требаше да го имаат својот прв заеднички оброк во вселената, кој го одложија за да погледнат низ прозорецот и да направат неколку слики
Американската Агенција за вселенски истражувања НАСА ги објави првите фотографии направени од астронаутите во капсулата „Орион“ на мисијата „Артемис II“ додека патуваат кон Месечината.
Фотографиите ги направи командантот на мисијата Рид Вајзман, користејќи го својот личен компјутерски уред – таблет опремен со камера. На двете фотографии е прикажана Земјата.
Првата слика е наречена „Здраво, свету“. На неа се прикажува огромнен простор со сина боја што вусшност е Атлантскиот Океан, врамен со тенок сјај на атмосфера додека Земјата го затемнува Сонцето и зелени аурори на двата пола.
НАСА ја идентификуваше светлата планета долу десно како Венера.
Втората фотографија е направена низ еден од прозорците на вселенското летало „Орион“, на која се прикажува друг поглед на Земјата, опишан како „бледосини точки како што се гледаат од очите на екипажот“.
Екипажот ги направи фотографиите во времето кога требаше да го имаат својот прв заеднички оброк во вселената, кој го одложија за да погледнат низ прозорецот и да фотографираат.
„Во моментов имаме прекрасен поглед на темната страна на Земјата осветлена од Месечината. Прекрасно. Никој од нас не може да стигне на ручек бидејќи сме залепени за прозорецот. Фотографираме“,
рече астронаутот и специјалист за мисии на Канадската вселенска агенција, Џереми Хансен.
„Артемис II“ сега е на кружна патека што ќе го носи екипажот околу далечната страна на Месечината и назад.
Ова е прв пат од 1972 година луѓето да патуваат надвор од Земјината орбита.
Екипажот треба да помине околу далечната страна на Месечината на 6 април и да се врати на Земјата на 10 април.