Радовишките пожарникари информираат дека огнот зафатил магацин каде имало запаливи материјали поради што истиот брзо се проширил
Причините за избувнувањето на пожарот засега не се познати и дополнително ќе се утврдуваат
Изгаснат е пожар што синоќа избувна во објект на поранешна текстилна фабрика во Радовиш, информираат од Територијалната противпожарна единица во Радовиш.
Во пожарот се зафатени производствен погон, магацински простор и дел од машините.
На терен интервенираа повеќе противпожарни екипи, а дополнителна помош е побарана и од соседните градови, како ТППЕ Струмица и ДПД Мантово.
Поради брзата и навремена реакција на пожарникарите, пожарот е ставен под контрола и е целосно изгаснат.
Според ТППЕ Радовиш, и покрај тешките услови на терен пожарникарите вложија значителни напори за да се спречи понатамошно ширење на огнот, како и да се заштитат околните објекти и имот.
„Сите пожарникари пожртвувано влегоа во просториите кои што беа во пламен, ризикувајки ги своите животи“,
се вели во аоопштението од радовишката пожарна единица.
Радовишките пожарникари информираат дека огнот зафатил магацин каде имало запаливи материјали поради што пожарот брзо се проширил.
Како што пренесуваат дел од медиумите, за време на интервенцијата, неколку пожарникари вдишале поголема количина чад и се здобиле со полесни изгореници.
Сепак, не е пријавено дека во интервнцијата има тешко повредени лица.
Причините за избувнувањето на пожарот засега не се познати и дополнително ќе се утврдуваат.