Град Скопје преку електронските инфо-табли на влезовите од Скопје им порачува на возачите и патниците да го гушнат појасот, а не соговорникот со што, велат, сакаат да ја подигнат свеста за коронавирусот.
„На електронските инфо-табли на влезот во Скопје денеска осамна пораката „ГУШНИ ГО ПОЈАСОТ, А НЕ СОГОВОРНИКОТ.” Идејата на пораката е да се подигне свеста кај граѓаните за последиците од Корона вирусот, но и за важноста од ефикасната заштита. Нашата цел е да го привлечеме вниманието кај граѓаните и да укажеме на препораките рацете задолжително да се мијат, да се избегнуваат јавните собири и да се намали движењето. Во истовреме, укажуваме и на обврската за ставање сигурносен појас додека граѓаните се во своето возило, за да се зголеми нивната безбедност кога се вклучуваат во сообраќајот“,
велат од Град Скопје.
Пораката е испишана на македонски и на албански јазик.
