Британскиот премиер Борис Џонсон ја пофали Украина за храброста и изрази надеж дека таа ќе излезе како победник во војната со Русија
Дополнителен пакет воена помош за Украина, вети британскиот премиер Борис Џонсон при денешната посета на Киев.
Џонсон се сретна со украинскиот претседател Володимир Зеленски на Денот на независноста на Украина.
Како што соопштија од кабинетот на Џонсон, пакетот од 63,5 милиони долари ќе вклучува и 2 000 дронови со што ќе ѝ се овозможи на украинската армија подобро да ги следи и цели руските сили.
„Велика Британија ќе продолжи да биде покрај нашите украински пријатели. Верувам дека Украина може и оти ќе победи во оваа војна“,
напиша британскиот премиер на Твитер.
What happens in Ukraine matters to us all.
— Boris Johnson (@BorisJohnson) August 24, 2022
That is why I am in Kyiv today.
That is why the UK will continue to stand with our Ukrainian friends.
I believe Ukraine can and will win this war. pic.twitter.com/FIovnqJGTS
Тој ја пофали Украина поради нејзиниот „нескршлив“ отпор. Според него, сега не е време за унапредување на „слабиот план за преговори“.
