Осумдесет и пет годишната Елена Макалоска од Прилеп е највозрасниот излекуван пациент од ковид-19 во овој град, објавија од прилепската болница на својот фејсбук-профил.
„Денес имаме и причина за славење. Најстариот излекуван пациент од ковид-19 во нашето инфективно одделение. 85-годишната Елена Макалоска пресреќна посака да се фотографира со дел од нашиот персонал“, споделија од болницата на Фејсбук.
Според вчерашната статистика, во Прилеп вчера се регистрирани четворица излекувани пациенти од вкупно 36 во цела држава.
Бројот на заболени во овој град е 143 од вкупно 1 421 заболен од ковид-19 во нашата земја.