„Ќе разговарам со Зеленски и Шмигал како да продолжиме со приближувањето на нашите економии и луѓе додека Украина напредува со пристапувањето“, напиша претседателката на ЕК на Твитер
Претседателката на Европската комисија Урсула фон дер Лајен денеска пристигна во Киев, во својата трета посета на Украина по инвазијата на земјата од страна на Русија.
Таа за време на престојот во Киев, како што самата најави утрово на својот твитер-профил непосредно по пристигнувањето во главниот град на Украина, ќе се сретне со претседателот на земјата, Володимир Зеленски и премиерот Денис Шмигал.
„Во Киев, во трета посета од почетокот на руската војна. Толку работи се променети. Украина е сега кандидат за членство во ЕУ. Ќе разговарам со Зеленски и Шмигал како да продолжиме со приближувањето на нашите економии и луѓе додека Украина напредува со пристапувањето“,
напиша претседателката на ЕК на Твитер.
?? In Kyiv, for my 3rd visit since the start of Russia’s war.
— Ursula von der Leyen (@vonderleyen) September 15, 2022
So much has changed.
Ukraine is now a ?? candidate.
I’ll discuss with @ZelenskyyUa and @Denys_Shmyhal how to continue getting our economies and people closer while Ukraine progresses towards accession. pic.twitter.com/zs9tMm0Mx1
Утрово од кабинетот на украинскиот претседател соопштија дека тој имал сообраќајна несреќа, но не е повреден.
Автомобилот во кој се наоѓал Зеленски се судрил со друго возило по посетата на линиите на фронтот. Лекарите кои го придружувале Зеленски веднаш го прегледале, по што бил префрлен во болница, каде што не биле констатирани никакви повреди.