Османи ја обвини Србија дека „продолжува да биде сателит на Русија“, на што Фон дер Лајен одговори дека српскиот претседател Александар Вучиќ испратил јасна порака со тоа што во последните денови угостил неколку претставници на ЕУ и нејзините членки
Претседателката на Европската комисија, Урсула фон дер Лајен, по средбата со претседателката на Косово, Вјоса Османи, изјави дека за време на нејзиниот мандат приоритет ќе биде проширувањето на Европската Унија, со членство на сите шест земји од Западен Балкан. Од Приштина порача дека косовските власти треба да работат повеќе на следните чекори со цел да се дојде до точка кога земјите членки на ЕУ ќе постигнат согласнот да ги укинат мерките кон државата. За позитивен чекор го оцени отворањето на граничниот премин со Србија, Мердар за премин на српска стока.
„Договорот потпишан во Охрид е клучен и многу важен. Знаеме дека сте посветени на него. Посветеноста обично значи и навремена имплементација. Тоа е важно, но мислам дека е и многу добар знак дека можеме да направиме предфинансирање пред крајот на годината од 60 милиони евра. Тоа ни покажува дека чекор по чекор ќе можеме заедно да одиме напред“,
рече Фон дер Лајен на заедничката прес-конференција со косовската претседателка Османи.
Османи изјави дека во Приштина се целосно посветени на европскиот пат и изрази очекување дека ЕУ ќе ги укине нивните „нефер“ казнени мерки.
Османи ја обвини Србија дека „продолжува да биде сателит на Русија“, на што Фон дер Лајен одговори дека српскиот претседател Александар Вучиќ испратил јасна порака со тоа што во последните денови угостил неколку претставници на ЕУ и нејзините членки.
„За мене јасна порака е тоа што претседателот на Србија ме угости, а претходно тоа го направи и со премиерите на Полска и на Грција наместо да биде во Казан. Тоа е јасна порака“,
рече таа.
Thanks for a warm welcome and an insightful discussion, @albinkurti.
— Ursula von der Leyen (@vonderleyen) October 26, 2024
Congratulations on your impressive economic successes of these past years.
We are proud to support you.
Let us continue to work together step by step on Kosovo’s European future. pic.twitter.com/762kTlmroJ
Во Приштина се сретна и со премиерот Албин Курти, а потоа отпатува за Подгорица, каде што ќе ја заврши својата четиридневна турнеја на регионот, која ја започна во средата со посетата на Албанија.