Лидерите на Велика Британија, Франција, Германија и Полска денеска ја повикаа Русија да се согласи на целосно и безусловно 30-дневно примирје за да се овозможат разговори за праведен и траен мир во Украина
Во врска со предлогот, попладнево се огласи Кремљ, од каде што ги обвинија европските земји за давање контрадикторни и конфронтирачки изјави, објави новинската агенција Интерфакс
Претседателката на Европската комисија (ЕК), Усрусла фон дер Лајен, го поддржа предлогот за безусловно 30-дневно примирје во Украина, што денеска од Киев го упатија четворица европски лидери, истовремено предупредувајќи ја Москва дека ако не го прифати предлогот ќе се соочи со нови остри санкции.
„Прекинот на огнот мора да се спроведе без предуслови за да се отвори патот за мировни преговори“,
напиша Фон дер Лајен на платформата Икс.
Таа, исто така, ѝ се закани на Русија со нови санкции доколку го отфрли предлогот.
„Топката сега е во дворот на Русија. Подготвени сме да одржиме силен притисок врз Русија и да воведеме дополнителни остри санкции во случај на прекршување на прекинот на огнот. Нашата цел е јасна: праведен и траен мир за Украина, што е од витално значење за безбедноста и стабилноста на целиот наш континент“,
додава претседателката на ЕК во објавата.
Today, the Coalition of the Willing convened.
— Ursula von der Leyen (@vonderleyen) May 10, 2025
We support the proposal for a full and unconditional 30-day ceasefire.
It must be implemented without preconditions to pave the way for meaningful peace negotiations.
The ball is now in Russia’s court.
We stand ready to maintain…
Лидерите на Велика Британија, Франција, Германија и Полска денеска ја повикаа Русија да се согласи на целосно и безусловно 30-дневно примирје за да се овозможат разговори за праведен и траен мир во Украина, пренесоа светските медиумите.
Лидерите на Велика Британија, Франција, Германија и Полска ја повикаа Русија да се согласи на целосно и безусловно 30-дневно примирје за да се овозможат разговори за праведен и траен мир во Украина.
Шефот на украинската дипломатија на платформата Икс објави фотографија од телефонски разговор на претседателот на Украина и четирите европски лидери со американскиот претседател Доналд Трамп, за да го информираат за потегот кој може да биде патоказ за обезбедување траен мир во Украина.
Прекинот на огнот во траење од 30 дена се предлага да почне од понеделник (12 мај).
За состанокот во Киев и усвоениот предлог биле информирани и другите европски лидери.
Британскиот премиер Кир Стармер изјави дека доколку Русија го отфрли мирот ќе следуваат построги санкции и поголема помош за Украина.
Францускиот претседател Емануел Макрон рече дека примирјето важи за копно, море и воздух и дека во случај на негово кршење ќе следат големи санкции од Европската Унија и Соединетите Американски Држави (САД).
Полскиот премиер Доналд Туск вели дека чекаат реакција од Русија и додава дека доколку Москва одбие прекин на огнот, на сите ќе им биде јасно кој е за мир.
Во случај да биде отфрлен прекинот на огнот, германскиот канцелар Фридрих Мерц рече дека ЕУ ќе продолжи да ја брани Украина и да го зголемува притисокот врз Москва.
Украинскиот претседател Володимир Зеленски нагласи дека главната цел е постигнување прекин на огнот.
„Прво тоа, па сè друго“,
рече тој.
Зеленски ја спомена и зоната на раздвојување и наведе дека се разгледуваат различни опции за Украина.
„Само една земја го започна овој нелегален конфликт, а тоа е Русија, и само една земја стои помеѓу мирот, а тоа е Русија“,
рече Стармер.
Тој посочи дека единството меѓу земјите по прашањето за безусловно примирје е најголемо досега.
Макрон додаде дека откако ќе се договори прекин на огнот, ќе бидат преземени голем број чекори на кои моментално се работи, вклучително и зајакнување на украинската војска.
„Сè ќе зависи од одговорот на Русија на нашиот предлог, а потоа ќе работиме на најефикасното решение“,
рече Макрон додавајќи дека е прерано да се каже кое ќе биде најефикасното решение.
Стармер рече дека постојат два аспекта на „коалицијата на оние што имаат волја“.
„Првото е политичко, со оглед на тоа што земјите сега постигнаа целосно единство. Второто е воено планирање, кое се спроведува за да може Украина да се одбрани“,
кажа британскиот премиер.
Тој додаде дека се разгледуваат и планови за море, воздух и копно, како и каков ќе биде мандатот во случај на прекин на огнот.
Сепак, како што наведе првиот и најважен чекор е да се постигне прекин на огнот, а денешниот состанок претставува најсеопфатен чекор што земјите го презедоа во таа насока во последните три години.
Во врска со предлогот, попладнево се огласи Кремљ, од каде ги обвинија европските земји за давање контрадикторни и конфронтирачки изјави, објави новинската агенција Интерфакс.
„Слушаме многу контрадикторни изјави од Европа. Тие генерално се конфронтациски по природа, а не се насочени кон обид за оживување на нашите односи. Ништо повеќе“,
ја цитира „Гардијан“ изјавата на портпаролот на Кремљ, Дмитриј Песков.
Макрон, германскиот канцелар Фридрих Мерц и британскиот премиер Кир Стармер утрово пристигнаа во Киев заедно со полскиот премиер Доналд Туск за да ѝ изразат поддршка на Украина.
Посетата е симболичен одговор на комеморацијата на 80-годишнината од победата над нацистичка Германија, која вчера се одржа на Црвениот плоштад, со учество на рускиот претседател Владимир Путин и дваесетина странски лидери, меѓу кои и кинескиот претседател Си Ѓинпинг.