„Сите сме посилни заедно во нашата заедница на мир, демократија и вредности. Затоа, да работиме на обезбедување на безбедноста и просперитетот на нашиот заеднички дом“, вели претседателката на Европската комисија
По победата на Карол Навроцки на претседателските избори во Полска, претседателката на Европската комисија Урсула фон дер Лајен испрати порака оти се надева дека ЕУ би можела да продолжи со добрата соработка со земјата.
„Уверена сум дека ЕУ ќе продолжи со својата многу добра соработка со Полска. Сите сме посилни заедно во нашата заедница на мир, демократија и вредности. Затоа, да работиме на обезбедување на безбедноста и просперитетот на нашиот заеднички дом“,
напиша Фон дер Лајен на својот профил на Икс.
Congratulations to @NawrockiKn.
— Ursula von der Leyen (@vonderleyen) June 2, 2025
I’m confident that the EU will continue its very good cooperation with Poland.
We are all stronger together in our community of peace, democracy, and values.
So let us work to ensure the security and prosperity of our common home.
На вчерашниот втор круг од претседателските избори во Полска, кандидатот поддржан од партијата Закон и правда (ПиС), Карол Навроцки, освои 50,89 проценти од гласовите, врз основа на 100 проценти од преброените гласачки ливчиња.
Според објавите на веб-страницата на Изборната комисија, Навроцки освоил 10 606 877 гласови, додека неговиот ривал Рафал Тшасковски освоил 10 237 286 гласови.
Карол Навроцки е 42-годишен историчар со хулиганско минато, претседател на Институтот за народно сеќавање, поранешен боксер, чија политичка инспирација е американскиот лидер Доналд Трамп и движењето МАГА.