Налети на ветер што можат да достигнат до 230 километри на час се очекуваат од вечерва до утре. Властите проценуваат дека околу 8,4 милиони луѓе би можеле да бидат засегнати од супертјфунот, меѓу кои 5,7 милиони жители во крајбрежните подрачја
Речиси еден милион луѓе се евакуирани на Филипините пред доаѓањето на супертајфунот Фунг-вонг, кој предизвикува силни ветрови и поплави во некои делови од земјата, пишува Би-би-си повикувајќи се на информации од филипинските власти.
Досега, според висок функционер за цивилна одбрана, Рафаелито Алехандро, се евакуирани 916 863 луѓе.
Налети на ветер што можат да достигнат до 230 километри на час се очекуваат од вечерва до утре.
Источните делови на Филипините веќе се погодени од обилни дождови и ветрови, изјави синоќа функционер на метеоролошката служба.
Регионот источен Бикол е првиот дел од Филипините што е директно погоден од бурата утрово, додека Лузон, најнаселениот дел од земјата, се очекува да биде погоден вечерва.
Во делови од источните покраини веќе е прекинато снабдувањето со електрична енергија.
„Повторно ја повикуваме јавноста да биде подготвена, да ги следи предупредувањата и да преземе превентивни мерки, бидејќи тајфунот се приближува“,
вели Рафаелито Алехандро.
Тој апелираше до населението да соработува, но да остане смирено, истакнувајќи дека постојат протоколи кои мора да се следат заради заштита на животите.
Huge weight behind some of these waves smashing into the waterfront in Baler, these will continue to get bigger and heavier as the day progresses and #typhoon #UwanPH Fung-wong gets closer – @icyclone getting a front row view down there pic.twitter.com/IHNJLHDPdj
— James Reynolds (@EarthUncutTV) November 9, 2025
Неколку училишта откажаа настава за понеделник или се префрлија на онлајн настава, додека „Филипини ерлајнс“ откажаа неколку локални лета пред доаѓањето на тајфунот.
Иако се очекува поголемиот дел од земјата да биде погоден, постојат посебни загрижености за оние области кои би можеле да бидат директно погодени, вклучувајќи го и Катандуанес, остров на истокот од регионот Бикол, каде што утрово се пријавени екстремни услови.
WATCH: Gusty winds and strong waves along Imelda Boulevard in Virac, Catanduanes on Sunday (Nov. 9, 2025) morning, as Super Typhoon #UwanPH (international name Fung-wong) approaches the province.
— Philippine News Agency (@pnagovph) November 9, 2025
Catanduanes is now under Signal No. 5 | Video courtesy of Edson Casarino pic.twitter.com/3i80df1Cob
Властите проценуваат дека околу 8,4 милиони луѓе би можеле да бидат засегнати од супертјфунот, меѓу кои 5,7 милиони жители во крајбрежните подрачја.
Овој тајфун доаѓа само неколку дена по претходната бура Калмаеги, која остави зад себе пустош и околу 200 жртви.
Филипините годишно се погодени од околу 20 тропски циклони. Еден од најсилните, супертјфунот Хаијан во ноември 2013 година, однесе повеќе од 6 300 животи.