Смени сме да воведеме и дополнителни рестрикции, рече министерот за здравство Венко Филипче во случај актуелните мерки да не дадат резултати.
Дали воведениот полициски час ќе го намали бројот на новозаразени, здравствените власти очекуваат да видат на почетокот на следната недела.
„Очекувањата се дека после воведување на една мерка резултатите ќе бидат видливи после 7-10 дена што значи дека на почетокот на следната недела очекуваме резултати од воведениот полициски час чија цел беше да се ограничи движењето и комуникацијата на младите кои интензивно комуницираа во паркови, јавни површини, па дури и домови, после затворањето на угостителските објекти. Беше констатирано дека тие се едни од главните преносители на вирусот, тоа го гледаме и од возрасните групи на новодијагностицирани пациенти. Ние сме спремни да воведеме и дополнителни рестриктивни мерки доколку сегашните не дадат посакувани резултати“,
рече Филипче.
Полицискиот час беше воведен од 10 март и трае од 22 до 5 часот. Првичните најави беа дека тој ќе трае до 22 март.