Министерот за здравство Венко Филипче на денешната прес-конференција најави дека ќе се предложи затворање на трговските центри.
„Сакам денеска врз основа на разговорот со членовите на Комисијата за заразни болести да предложиме целосно да се затворат моловите (трговските центри) зашто претпоставка е дека тоа се места каде има голем ризик од ширење на инфекција“,
рече Филипче.
Тој упати и препорака до пекарите ако можат да се организираат и да ги продаваат производите преку шалтерски систем за воопшто да не се влегува внатре во објектите. Тие, според информациите од надлежните, веќе ги тргнале масите и столовите за седење внатре во дуќаните.