Елаборирајќи го својот став, Филипче ги повтори критиките што опозициската партија изминатиот период ги адресира до власта, а кои се однесуваат на тврдењата дека Владата на чело со ВМРО-ДПМНЕ ја турка земјата кон изолација, дека преку вицепремиер во извршната власт има контакти со рускиот претседател Владимир Путин, како и дека целосно го партизира правосудството
Лидерот на опозицискиот Социјалдемократскиот сојуз на Македонија (СДСМ), Венко Филипче смета дека нападот на САД, заедно со Израел, врз Иран е оправдан, исто така, како што тоа беше случај со интервенцијата во Венецуела во која беше соборен тамошниот режим.
Филипче ова го кажа на денешната прес-конференција на која беше прашан за став околу изјавата на шефот на македонската дипломатија, Тимчо Муцунски, кој вчера соопшти дека Македонија дава поддршка на САД и на Израел за нападите на Иран. Воедно, лидерот на СДСМ новинарите го прашаа и за коментар за свикувањето на Советот за безбедност, на кој тема ќе бидат случувањата на Блискиот Исток.
„Видете, Соединетите Америкнски Држави се наш стратепки партнер и тие откако ги исцрпеа сите дипломатски механизми на преговори, настапија со еден таков напад, и сметам дека таквиот напад и сè што прават е во истиот контекст како што се направи со интервенцијата во Венецуела. Тоа е е за доброто на иранскиот народ, како што беше за доброто на народот на Венецуела“,
рече Филипче, додавајќи дека во следниот период, според она што го следи и што го анализираат, очекува деескалација на состојбите.
Сепак, надоврзувајќи се во одоговорот на прашањето, тој кажа оти Соединетите Американски Држави, како наш стратешки партнер треба да знаат дека „во нашата земја има власт со многу слични карактеристики на тие авторитарни режими со кои тие се справуваат“.
Елаборирајќи го својот став, Филипче ги повтори критиките што опозициската партија изминатиот период ги адресира до власта, а кои се однесуваат на тврдењата дека Владата на чело со ВМРО-ДПМНЕ ја турка земјата кон изолација, дека преку вицепремиер во извршната власт има контакти со рускиот претседател Владимир Путин, како и дека целосно го партизира правосудството.
„Имаме власт и премиер којшто ја бутка земјата во изолација, притоа знаејќи дека во стратешки интерес на Соединетите Американски Држави е интергацијата во ЕУ и на нашата земја и на целиот регион. Понатаму , оваа власт има отворени контакти со Путин, преку контактите на вицепремиерот со ‘Ноќните волци’. Внимавајте вторито човек на Владата не ги крие контактите со ‘Ноќните волци“, луѓе блиски на рускиот претседател, Владимир Путин“,
рече Филипче.
Осврнувајќи се на состојбите во правосудството, лидерот на СДСМ кажа дека премиерот не се воздржува да именува, назначува и елиминира обвинители на телевизија, а владиниот портпаролот да соопштува судски одлуки кои претходно никаде не се објавени.
„Очигледно е влијанието и партизирањето на судството“,
посочи Филипче.
Говорејќи во истиот контекст тој го посочи враќањето на од бегство на Артан Груби, за што кажа дека фалело уште премиерот да го пречека на граница.
„Такви политички договори во кој судството и обвинителството се послушници никому не носат добро. Оваа власт кумува на трансферот на пет тони дрога прекку граница. Пет тони дрога не можат да се пренесат без знаење на власта, без структурите во Царината и во полицијата, Оваа власт ја гуши слободата на говорот. Прво има своја мрежа на медиуми преку кои шири лажни вести, оцрнува, дискредитира и спинува, и носи резолуции во парламентот со кои кажува што опозицијата може, а што не може да зборува. И сето тоа се карактеристики на такви корумпирани режими со кои Соединетите Американски Држави во последниот период се справуваат. Имаме работа со еден терминално неспособен премиер, терминално неспособна влада, коишто немаат капацитет, ниту занење и визија каде ја водат државата и се интересираат само за сопствениот интерес“,
кажа лидерот на СДСМ.
Одговарајќи на прашањето свикувањето на Советот за безбедност, Филипче кажа оти е добро да се разговара, додавајќи оти би било добро претседателката да ја покрене, како што реле, темата зошто откако таа е врховен командант на вооружените сили на земјава има шуга по касарните.