Но и натаму специфична е ситуацијата во Тетово, во Гостивар, во Струга и во Кичево каде болниците се уште се преполни со пациенти со ковид-19, поради што има координацијата со директорите на овие болници за на секој пациент на којшто му е потребна хоспитализација со транспорт да се донесе во Скопје, каде што се уште има места во болницата во Козле, каде што ротира тим на лекари специјалисти инфектолози и пулмолози
Охрабруваат новите бројки на новозаразени во смисла на тоа дека опаѓаат, но премногу е рано да се каже дека ова е некаков тренд, вели министерот за здравство Венко Филипче, за актуелната епидемиолошка состојба.
„Затоа будно ја следиме ситуацијата и ги следиме сите параметри“,
рече Филипче, кој денеска повторно повика на масовна вакцинација од пред малата сала на СЦ „Борис Трајковски“ која од денеска е вакцинален пункт.
Како специфична ја издвои ситуацијата во Тетово, во Гостивар, во Струга и во Кичево каде болниците се уште се преполни со пациенти со ковид-19, поради што има координацијата со директорите на овие болници за на секој пациент на којшто му е потребна хоспитализација со транспорт да се донесе во Скопје, каде што се уште има места во болницата во Козле, каде што ротира тим на лекари специјалисти инфектолози и пулмолози.
„Спремни се други дополнителни капацитети, меѓутоа, засега освен оваа болница во ниту една друга нема да се прави ковид центар како што беше тоа во претходниот бран“,
изјави Филипче.